د غادة حشمت عضو الجمعية الأمريكية لمشاكل الأسرة تضع روشته للزوج والزوجة لتجنب الشجار في رمضان
خناقة أول يوم رمضان ..
ومشاكل رمضان بين الزوجين ..
دايما بيكتر الخلافات الزوجية في شهر رمضان
لان الست بيبقي عليها عبء بيت شغل واولاد وطبيخ يومي وعزومات مع الحر و الزحمة ..هي انسانة طبيعي تبقي تعبانة ومرهقة ..يبقي الكلمة الطيبة هنا بتمتص الغضب وتهدي في رمضان ..بدل ” مالك ” و “بدائنا”
و انا زهقت وكفاية نكد …
كل الكلام السلبي دة بيهد في العلاقة مش بيضيف ليها ..
بدلها بحبيبتي ..”ربنا يخليكي لينا ..منتحرمش من اكلك الجميل ابدا” ..
والراجل بالذات المدخن بيبقي عصبي وخلقي .دة غير ارهاق المادي بسبب العزايم في رمضان
دورك هنا التوفير والشطارة في التدبير .
وكمان شايل هم بعد رمضان عيد وصيف ومصيف ..
طبطبي و خليكي رحيمة بية ..
الحنية من الست والتقدير بيخلوة واحد تاني..
كلمة ” حبيبي معلش .. اللة يكون في عونك ”
بتخلية يشيلك جوة عنية ونفسة يرضيكي .لان هنا بقي في تقدير .مشاركة للمشاعر .مش هجوم وبتفرج علية بيحرق في اعصابة ..
هنعمل تمرين صغير في رمضان نستبدل اي كلمة علي لسانا سلبية محبطة بسرعه نلحق نفسنا و نبدا بالتغير ..كلمة طيبة ذي رمصان 🙂
هو دة الوعي الي محتاجة كل بيت
علشان يبقي هادي و كلة حب
..كلمة بيني وبينكم ..متعاملوش بعض علي ان الطرف التاني هو صندوق مشاعر لسلبيات مشاعر حضرتك ..
يعني متضايق اكشر اقول كلام بايخ ابين زهقي ..
لان دي علاقة مهلكة و تاريخ انتهاء صلاحيتها قصير ..
و متنسوش اهم من الكلمة الطيبة الابتسامة ..بلاش كشبرة في رمضان ….
# تعالوا ناخد اجازة من الكلام السلبي في رمضان
# يالا نغير اسلوب كلامنا مع بعض
# رمضان و التعير
# بنحب بيتنا وهنحافظ علية
# تعالوا نطبطب علي بعض .
# رمضان من غير خلافات زوجية
# رمضان من غير تكشير السنة دي
# السعادة الزوجية في رمضان
