شيش برك…
العجينة ..شيش برك
طحين وماء دافئ وملح وبنعجن لتتماسك وبنتركها ترتاح شوي
بنكون مجهزين الحشوة الي هي عبارة عن لحمة مفرومة وبقدونس وبصل على النار مع ملح وبهارات ليستوو وبنحمص لوز وبنخلطو مع اللحمة
بنفرد العجينة وبنقطعها بفنجان او كاسة لدوائر وبنحشيها باللحم وبنشكلها متل الطاقية اما بنضيفها عاللبن نية او بنقليها او بنشويها حسب الرغبة
بنطبخ اللبن ..اما لبن جميد او لبن رايب او مخلوط حسب الرغبة
ادا كان جميد بننقعو بالمي لحد اما يدوب وبنخلطو بالخلاط وبنصفيه منيح وبنحطو بطنجرة على النار ليغلي وبكون جاهز
اذا كان مخلوط نفس الشي بنخلطو بالخلاط وبنضيفلو لبن رايب نعاج او عادي او لين اب (شنينة) وبنخفق منيح وبنحطو عالنار وبنضل نحرك
اما اذا كان لبن رايب فقط فبنضيفلو اما بياض بيضة او ملعقة كبيرة نشا وبنخفقو منيح وبنحطو على النار مع التحريك المستمر لحد ما يغلي وبنضيفله ملح حسب الرغبة .. الافضل يكون لبن نعاج اطيب للطبيخ من لبن البقر
بعد ما يغلي اللبن بنضيف حبات الشيش برك وبنتركها تغلي ليستوي العجين وصحة والف هنا
ملاحظة: في ناس بضيفوا كزبرة خضرة بحشوة الشيش برك وللبن اخر اشي بقدحوها مع توم وبديروها عاللبن حسب الرغبة
